nokat maghribiya
مرا مشكاكة
هدي واحد المراة كتشك في راجلها
واحد النهار لقات ف حوايجو شعرة شهبة، قالت ليه :
شكون هاد الشهبة اللي كنتي معاها؟ واحد النهار آخر لقات ف حوايجو شعرة زعرة،
قالت ليه: شكون هاد الزعرة اللي كنتي معاها؟ واحد النهار ما لقات حتى شعرة،
وهي تقول ليه: شكون هاد القرعة اللي كنتي معاها؟
ركبوا بلا ما يخلصوا
هادو واحد الرباعة طالعين فطاكسي وما معاهم حتى ريال، اتفقوا يهربوا بالزربة مني يوقف الطاكسي.
فعلا، ملي وقفات الطوموبيل، حلوا البيبان دغية وبدوا يجريو ورجليهم تضرب ضهورهم.
دخلو لواحد العمارة، وطلعوا أول إطاج، تاني إطاج، تالت إطاج، حتى وصلوا للسطاح.
تخباو فالضلام وبقاو شي نص ساعة لا حس لا نفس.
شوية واحد فيهم نغز اللي حداه وقال ليه: ما عرفتش أشنو طرا بالشيفور!
قال ليه لاخور: راني أنا الشيفور، ها العار قولوا لي أشنو واقع.
مكلخ شد الدكتوراة
هادا واحد معروفة عليه مكلخ شد الدكتوراة. مشى عند مرته قال ليها: أنا ما عرفتش علاش
كلشي كيقول عليا مكلخ، إيوا هاني شديت الدكتوراة.
قالت ليه مرتة: دق على الخشب.
الراجل دق على الطبلة. و هي تقول مرته: شكون؟
قال ليها: جلسي نتيا، أنا نمشي نطل شكون
مغرب الغد
هل تعلمون لماذا سمي المغرب بمغرب الغد؟؟؟ .
..
… …
.
حيت فينما مشيتي كيقولو ليك سير حتال غدا
الديمقراطية و الا فلا
واحـد مشى يصوت على الدستور اختار لا، وهو راجع واحد صاحبو سولو : أش درتي ؟قاليه :صوت بـ لا
قاليه :ناري كحلتيها غادي يعرفوك، قالو: وأشنو الحل ؟ قاليه : رجع بسرعة وصلح الخطأ واكتب نعم
رجع عند رئيس اللجنة وقاليه : الله يستر عليك راه كنت بغيت ندير نعم وغلطت ودرت لا
شدو رئيس اللجنة من وادنيه وقاليه: سير في حالك راه صلحنا لك الخطأ عمرك ما باقي
تعاود تاني
الهجرة بدون فيزا
أوربا سمحوا للمغاربة بالهجرة بدون فيزا. المغاربة كلهم يستعدوا للهجرة.
الملك هو يخطب عليهم وقال: آخر شخص يخرج من المغرب يطفي معاه الضو.
فار بغا يعمر الدار
كليك هادا واح الفأر بغى يخطب واحد الفارة, ملي مشا عند واليديها قالت لو مت
الفارة.غادي نزوجك بنتي بشرط, تكتب ليها القادوس بسميتها
الفروج و الدجاجة
لفروج قال للدجاجة: أشنو فايدة اللي كيبيض البيض للناس باش ياكلوه؟
قالت ليه الدجاجة: إيوا بعدا حسن من اللي كيودن وما كيصليش
تا مالنا غادي ناكلو السبع
واحد دخل لحديقة الحيوانات وهو يدخّل راسو فلقفص ديال السبع، الحارس جا
كايجري وقاليه: وا تا أشنو كاتدير ألمسطي ؟؟؟؟ قاله : وا غير بشوية أصحبي
تا مالنا غادي ناكلوه..
كولو الحديد راه فيه العدس
هادا واحد الراجل عرض على صحابو للغدا، وحط ليهوم طبسيل ديال العدس. قال ليهوم: كولوا العدس راه مزيان فيه الحديد
تكاو عليه هاك بالاك، هاك بالاك، هاك بالاك، حتى فضاو معاه
قالوا ليه: زيدنا واحد طبسيل آخر
هاداك الراجل تعقدات ليه، ماكانش معول على جوج طباسل
مشى عمر ليهوم الطبسيل بالمسامر وقال لصحابو: كولو الحديد راه فيه العدس
No comments:
Post a Comment